政情：公民講場：「唔搞郊野公園」 波叔未甩難

發展局局長陳茂波尋日又上電台講解大嶼山發展計劃，重申政府明白大嶼山好多地方有保育價值，唔應該過度發展，並承諾現屆政府任內都唔會發展郊野公園用地，着市民同環保人士放心。不過佢同時表明，政府希望適度發展保育價值較低嘅綠化地帶，只要用到百分之一綠化帶嚟起樓，已能提供多達八萬個單位。須知部分環保人士連綠化帶都表明不能發展，睇嚟陳茂波都仲有排煩。