政情：今日你上鏡：搬屋清衣櫃 高佬賢冇衫着？

立法會漁農界議員何俊賢（高佬賢）搬屋搬到幾乎冇衫着？話說高佬賢尋日罕有地着咗套深藍色嘅運動裝到立法會開會，佢自爆最近開始搬嘢入新屋，但媽媽同太太搬得太落力，幾乎執走晒佢衣櫃啲衫。因此佢尋日起身後打開衣櫃，幾乎乜都冇晒，得番啲底衫褲同套運動衫，所以惟有着住套運動衫先。之不過明日立法會開大會，高佬賢話點都要去新屋執番套西裝着，估唔到佢作為男人都咁貪靚。