政情：公民講場：立會補漏泛民阻撓

立法會大樓喺去年討論新界東北發展計劃前期工程撥款申請同佔領行動期間，受到示威者衝擊，搞到大樓「傷痕纍纍」。立法會行政管理委員會委託嘅顧問公司就建議大樓加強保安措施，而秘書長陳維安尋日仲親身向泛民主派「飯盒會」解畫。不過，泛民就反對有關措施，話做法等同將立法會變成銅牆鐵壁、將市民拒之千里喎。其實如果唔係泛民濫派職員證，又畀策動佔領行動嘅人士、甚至示威者喺大樓內休息及瞓覺，令立法會形同冇掩雞籠，顧問公司又點會對症下藥提出有關措施呢？唔通泛民真係想立法會無王管，等佢哋可以為所欲為？