模影模蹤:勇字當頭馬楠楠

單睇樣子我仲以為佢係位國際級名模,查實原來只係一位出道冇耐嘅新人,見佢高頭大馬,五官深邃,一睇就知呢位靚女前途無可限量。講咗咁耐,今日要介紹嘅就係一位嚟自河北嘅小姑娘,名字叫馬楠楠。

半球外露

今年 22歲嘅馬楠楠,出道2年左右,主要係做平面模特兒,但睇佢嘅照片,舉手投足都散發着國際名模嘅風範,只做雜誌或者網站嘅寫真女郎,真係有啲大材小用。馬楠楠家陣喺北京搵食,之前喺北京就讀京安學院,有啲似香港啲職業專科學院,未畢業已經不時客串做模特兒,拍過唔少時裝同泳裝硬照,畢業後發覺自己好想喺呢行發展,於是全職加入,由於身材高挑,三圍出眾,所以要喺當中佔一席位可以話非常容易。

講起佢嘅身材,真係要用玲瓏浮突嚟形容,上圍數字雖然只有34吋,但杯級超大,性感照片不時半球外露,再配埋只有22吋嘅小蠻腰,更凸顯上圍嘅霸道,至於臀部就有35吋,所以佢嘅八月十五真係又圓又挺,稍稍性感已令人神魂顛倒!

本錢十足

舊年佢更「掛個勇字」喺心口,拍咗輯超性感寫真,身上乜都剝晒,只餘一條丁字褲,不少粉絲就係受呢輯寫真所影響,而成為馬楠楠嘅忠實粉絲。其實阿妹咁搏,無非就係想話畀人知,自己走性感路線都冇問題嘅!一戰成名之後,馬楠楠就接咗唔少內衣、泳裝嘅廣告,佢最想就係做車模,但並唔係去展覽場企企嗰啲,而係同車拍攝嗰隻,馬楠楠話成日都拍泳衣內衣照,動作做手亦來來去去都嗰幾款,但如果同車一齊拍,就可以諗更多新動作出嚟,突破舊有框框!睇嚟馬楠楠都好喜歡挑戰自己,唔知佢會唔會挑戰三級極限,拍攝埋露三點嘅寫真呢?據講佢嘅回覆真令人振奮,話唔排除呢個可能喎!真係勇者無懼,講真阿妹本錢十足,多啲裸露又有乜嘢所謂呢?

專屬網站

簡介:馬楠楠嘅同名網站都有唔少,但全都冇人管理,唯獨官方微博就不時更新,所以想睇馬楠楠嘅最新近況同噴血照片,登入其微博一定唔會令你失望!

網址:http://weibo.com/p/1005052406680950

馬楠楠Profile

出生地:河北

三圍:34-22-35

身高:165cm

撰文:龍四海