政情：楊哲安一家廣州訪貧戶

早幾日我哋喺中環歷山大廈見到棄官從商嘅教局前政治助理楊哲安（Jeremy），見佢同一位外籍人士飲完下午茶後分道揚鑣。講起近期忙緊啲乜，佢就話農曆新年假期同父母、太太張新悅及三位千金一家七口返咗內地自駕遊，途中仲特地抽咗三日去廣州英德市嘅東北面探訪貧窮家庭添。

話說Jeremy嘅爸爸楊孝華有捐錢畀當地嘅貧困家庭及學校，為咗避免手續繁複及更清楚善款去向，楊爸爸通常都係直接捐畀受助家庭或單位。Jeremy認為，呢個係一個好機會帶小朋友了解其他貧窮地方嘅生活情況及累積多啲唔同嘅生活體驗，又可以同當地村民及校長交流。