政情：區選前瞻：「新」丁區選惡鬥佔領族
區議會選舉將於年底舉行，各黨派都會有大量社區幹事出選，務求搶奪更多議席。有意參選屯門富新選區嘅新民黨青年新進甘文鋒，預咗打一場硬仗，事關除咗要面對區內另外兩名對手，仲要應付佔領行動後冒起嘅新組織挑機。不過，阿鋒就話冇有怕，揚言地區工作係深耕，唔係落區一、兩次就搞得掂。
「蛇齋餅糉有存在價值」
阿鋒所屬嘅選區主要有兩名對手 ，分別係獨立人士同法團副主席。講開建制派最煞食嘅蛇齋餅糉，阿鋒認為蛇齋餅糉都有存在價值，又反問泛民或年輕人點解唔關心吓屋企長者嘅需要。
對於佔領行動後陸續成立嘅新組織揚言要喺區選分一杯羹，阿鋒就質疑，有啲後生仔成日話要落區宣揚民主理念，但呢啲唔係居民最需要嘅嘢，反而路邊一塊經常絆倒長者嘅地磚先係最急切要解決嘅問題喎。