正當中港矛盾愈嚟愈難解之際，有人建議將教師到內地上國情課程列為入職要求，但被外界質疑呢個要求係想「洗腦」。
日光日白，怎麼就鬼話連篇？身為教師，上一個月國情課就可以被洗腦，如此教師也真是愧為人師！教師無不鼓勵學生要有「創意」、「獨立思考」為職志，若然自己都咁易「被洗腦」，這樣的「教師」，除了誤人子弟還能有何作為？誠如曾鈺成話齋：英國統治香港一百五十年，都唔可以洗香港人腦；如果要求教師返內地上國情堂就係「洗腦」，咁就真係太睇小依家啲老師喎！
「洗腦」之論，姑妄言之聽之，夜涼燈顫夢回時，好歹有些少感覺也不錯。事實上，當今資訊發達，內地富起來的人多的是，去年有逾一億人次出境旅遊，出境人數及購買力均躍居全球第一，得到佢睇起你，你有「錢途」！白花花嘅銀紙冇得作假，大國雄起，毋須國情課程大家都知！
其實，當資訊暢通，大家都「長了見識」，邊有咁易洗人腦啊！認真要「洗腦」，那要回到老子時代，實行愚民政策，咁你想「有腦」都難。老子說得再明白不過：「為道者非以明民也，將以愚之也。民之難治也，以其智也……」又說：「恒使民無知無欲也，使夫知不敢，弗為而已，則無不治矣。」更簡單的說法是：「民多智慧，而邪事滋起。」是以作為教師，若然如此容易被洗腦，根本就係冇腦！建議把教師到內地上國情課程列為入職要求，當亦是「冇腦」之隨口噏！
老朽只能寄語建議者，不要急於把自己的目光投放到旁人的身上，盡可能地讓眼睛在自己身上多停留一會兒，畢竟反省自己比解剖別人更容易一些。天下本無事，庸人自擾之！有空不妨多點「坐忘」，離形去智，天下太平矣！