泛民主派飯盒會上星期決定成立四人小組，反擊政府就政改「袋住先」嘅宣傳攻勢。小組成員之一、民主黨黃碧雲就建議推行「牧羊人計劃」，希望招募參加者，決志向兩個人，包括親朋戚友，宣傳唔好「袋住先」，計劃似足「層壓式推銷」，只係唔涉及金錢利益啫。其實泛民忽然要搵人推銷反對「袋住先」，明顯係已經感到民意要「袋住先」嘅壓力，感到虛怯，再者泛民唔係經常話港人好有智慧，懂得判斷同決擇咩？
