三跑爭議 隔空駁火
爭議不息的機場第三跑道引發新舊官員隔空罵戰。兩名前民航處處長樂鞏南及林光宇一直質疑三跑的效益，擔心跑道最終淪為大白象工程。運輸及房屋局局長張炳良昨出席電台節目時強調，三跑「一定要起」，才能保持本港國際航空樞紐的地位，更隔空向樂、林兩人「挑機」，質疑兩人不在其位多年，不知粵港協議內容，重申有信心解決空域問題。林光宇隨即在電台節目隔空還擊指，「政府有膽就攞（協議文件）出嚟」，強調自己有責任提出專家意見。
機場第三跑道的造價高達一千四百一十五億元，樂鞏南及林光宇曾質疑，未來三跑航道與內地空域重疊，假如內地對開放空域寸步不讓，新跑道的容量增幅將大打折扣。張炳良昨表示，早於○七年已完成與內地商討解決空域擠塞問題，「佢有好詳細嘅嘢，我自己睇過，佢都有好幾十頁，係一個協議嚟，當然佢唔係一個條約咁嘅東西，但大家同意咗啦，要做呢啲嘢嘞，係為咗大家嘅好處。」
林光宇：我係公認空管專家
張炳良更暗諷兩名前處長「過時」，「兩位處長在任嘅時候，坦白講已經好多年啦吓嘛，○四年後我哋（本港與內地）好多商討、好多細節，佢哋兩位離任咁耐都未必明白，我希望市民相信現在嘅民航處。」他又指早前到北京拜會相關部門，獲支持建三跑。
林光宇則在電台節目中回應，「政府有膽就攞（協議文件）出嚟，睇吓二○○七年做咗乜嘢？同項目有關嘅『打手』都話我吃裏扒外，甚麼叫做吃裏扒外？我有責任講番我嘅睇法，樂處長同我嘅估計亦一樣，因為我哋大家都係公認嘅空管專家！」
樂鞏南：應做模擬運作測試
樂鞏南回應本報查詢時指，「咁佢（張炳良）無講錯嘅，我哋係無同民航總局傾過……但問題我哋依家係恐懼，條跑道係咪只係紙上談兵呢？」他認為，運房局及機管局聲言三跑能夠增加航機升降量，卻無實質證據支持，他認為港府應進行實時模擬運作測試，證實三跑的作用才落實興建。