14號九巴冷氣差 逼乘客「焗桑拿」
巴士車廂空調不足，未到入夏乘客已被迫「焗桑拿」！李先生早前於中港城巴士總站乘搭14號九巴前往油塘，期間懷疑車上空調系統出現故障，令車廂極為翳焗，「感覺就好似坐緊喺舊時啲『熱狗』巴咁樣，又冇得開窗，真係搞到頭都暈埋！」
九巴稱已修理涉事車輛
九巴發言人表示，接獲轉介後已即時派員為涉事巴士進行詳細檢查，同時已安排工程人員修理及更換部分零件，空調系統現已運作正常，強調會繼續留意轄下巴士的空調運作情況。
李先生坦言對九巴回覆表示滿意，「如果用呢種積極態度去處理脫班問題，咁九巴嘅服務就真係會日日進步啦！」李先生又建議九巴應主動巡查車隊運作，維持應有的服務水平。