花店霸路放物「戟親人點算？」
「日日都放晒啲花盆出行人路，近排仲要放多十幾廿個膠箱，條路明明係畀人行，依家就用咗嚟擺貨，萬一戟親人點算呀！」筲箕灣居民黎小姐經常出入大德街，不滿有花店於行人路放置大量花盆及雜物，令通道嚴重收窄，擔心行人會被絆倒，要求部門加強執法，改善街道阻塞情況。
食署去年接34宗投訴
食物環境衞生署發言人表示，一直關注上址一帶店舖及固定攤位小販非法擴展營業範圍與阻街情況，過去一年共接獲三十四宗相關投訴，並向涉事店舖及固定攤位小販負責人分別提出三十二宗及四宗檢控。
黎小姐證實，經本報轉介後，上址的阻街情況有所改善，「情況改善咗少少，但希望唔好得三分鐘熱度，政府一定要繼續巡多啲先得！」黎小姐建議食環署繼續加強巡查，積極執法及檢控，以提高阻嚇力。