人稱「肥老闆」嘅立法會金融服務界議員張華峰，身形巨大就唔使多講，但估唔到佢都有可愛嘅一面。話說肥老闆早前喺北京開完會後，決定留喺北京四圍遊玩，點知去對「798」藝術區就令佢特別難忘。798藝術區專門展出各藝術家嘅珍藏同展品，肥老闆去到見到有個雕塑同自己好似樣，就即席發揮小宇宙，伸晒脷兼合埋雙眼模仿雕塑神情。估唔到肥老闆扮起嘢上嚟，有一種難以形容嘅喜劇感，佢形容自己被藝術品深深吸引，所以先用呢種做法「投身」藝術喎！
