警務署長曾偉雄尋日宣布警方在佔領行動中拘捕嘅涉嫌違法人士已完成調查，調查報告已經交埋畀律政司，正等候指示，然後再決定進一步拘捕行動。其實律政司現時已積壓唔少案件等候處理，好似坊間引頸以待嘅「貪曾」前特首曾蔭權爵士嘅貪腐案，至今仍未見律政司司長袁國強有任何動作，而「貪湯」前廉政專員湯顯明嘅案件亦只聞樓梯響。連「雙貪案」都大打拖字訣，又點令人有信服律政司會果斷處理佔領行動黑手呢？莫非袁國強忙緊政改而無暇處理大案？
