白鴿黨壞立會規矩無悔意

佔領行動期間，立法會大樓九樓被指係「佔領行動指揮中心」，因以九樓作為議員辦公室嘅民主黨（白鴿黨），當時長期租用九樓會議室，有份策劃或參與佔領行動嘅團體成員可以輪流入去瞓覺休息，當正立法會係酒店，立法會秘書處事後檢討大樓保安，禁止議員助理「拍卡」進出其他樓層，自此訪客如有公務要入唔同樓層，就要自行聯絡該層人員幫佢哋開門。