世界體壇美女多，網球壇就有唔少靚女，不過我都係鍾意睇女子花樣滑冰，事關一班選手好多都美貌出眾，身材婀娜，喺溜冰場地盡展身體曲線美，為男人帶來火辣視覺刺激，而美艷動人嘅滑冰女神淺田舞最近就殺入藝能界搵食，大家要（目及）實喇！
正所謂有料唔怕露，女仔有身材最重要就唔好吝惜，千祈唔好包冚自己而暴殄天物。再者，豁出去展露一副好身材，分分鐘露出好運來，好似擁有G Cup火辣身材嘅美女歌手谷村奈南咁，拍咗輯水着寫真即時谷起人氣，受關注度仲勁過唱歌；至於近期成為日本藝能界熱門話題人物嘅淺田舞，就係由滑冰場強勢來襲喇！
今年26歲嘅淺田舞五官標致迷人，唇紅齒白加上笑容甜美，氣質雖帶點成熟味，相信大家都對佢相當接受，皆因阿妹身材激凸，身高5呎4吋，配上豐滿堅挺又具彈性嘅35E誘人巨乳，難得嘅係胸大之餘，骨架夠幼，令上圍睇落更加突出，加埋一身健康膚色，認真火辣到暈！
大家見到淺田舞咁火辣，可能會諗阿妹來自日本沖繩呢個熱情洋溢之地，最擅長必定係水上運動，不過咁諗就錯晒，因為淺田舞係日本體壇中嘅冰美人，乃係知名花樣滑冰好手，而佢個妹名堂仲勁，係亞洲第一位三次奪得世界花樣滑冰錦標賽金牌嘅女子滑冰選手淺田真央！之不過，兩姊妹都同為滑冰選手卻令淺田舞唔多開心，原因係淺田舞認真係時不我與，幾次參加大賽唔係感冒，就係食物中毒而屈居亞軍，歷來只係喺世界花樣滑冰大賽安道爾站以及斯洛伐克站奪過第一名，而妹妹真央成績又咁好，加上媒體經常將二人比較，令淺田舞有段日子自暴自棄，姊妹關係仲變得好差。不過，兩姊妹邊有隔夜仇，而且淺田舞嘅好身材同美貌得到藝能界賞識，搵佢拍寫真集又做體育節目主持，近期淺田舞就疊埋心水，以好身材以及口才跳出滑冰場全面進軍藝能界，咁就唔使再同妹妹比較啦！
簡介：淺田舞有屬於自己嘅網頁，入面收集咗好多關於佢嘅最新動態，Click入去一睇就知道晒，仲可以連接到其微博及博客，非常方便。
網址：http://mai-asada.jp
年齡：26歲
身高：5呎4吋
三圍：35E-24-35
撰文：賢