外號「李漢奸」嘅民主黨創黨主席李柱銘上星期去咗加拿大國會外交事務及國際發展委員會，出席聽證會「唱衰」香港民主，擺到明乞求加國干預香港政制。而加拿大國會嘅委員會尋日決定，會正式探討香港狀況，並向國會提交報告。李漢奸咁樣搞一搞，勢必為香港現時已膠着嘅政改僵局更加添煩添亂！
中國駐加大使羅照輝之前講到明，要求加國有關委員會取消聽證會，因為香港政治發展屬於中國內政，任何外國政府、機構或個人都不宜干涉，以免影響中加關係。不過，加國就話之你，照樣邀請李漢奸去發噏風。
委會尋日仲決定，將召開兩次會議，傳召證人作供，之後向下議院匯報。委會成員之一、反對黨國會議員杜華喺網上話，好高興委員會通過佢提出嘅動議，正式研究香港問題。今次畀李漢奸乞到加國干預香港政制，睇怕嚟緊只會有愈來愈多「牛鬼蛇神」到加國，香港想有安寧嘅日子都幾難嘞！