名為反水貨客嘅「光復」行動愈演愈烈，剛過去的周日，本土派及網民發起「流動光復」行動，由「遊覽上水」及「遊覽沙田」，最後又轉戰屯門、尖沙咀，搞到警方疲於奔命……
朋友從電視畫面見到示威者「趕客」的野蠻與粗暴──有的指罵拖着行李篋帶着幼女的師奶，嚇到女童狂哭；有的從後推跌市民手持嘅手拉車後轉身就走！
至於其他野蠻行為更是罄竹難書：衝入藥房、珠寶店叫囂、用修路膠欄封馬路，阻止巴士開車……
喂！大哥，究竟香港仲係唔係法治之城啊？朋友看到眼火爆，尤其啲舞住龍獅旗嘅，藉「光復」行動，實為宣揚「港獨」嘅示威者，警方事後除了強烈譴責示威者破壞法紀，行動中雖然有拘捕，可是作用有限，啲示威者根本「冇有怕」，已去到「眼中冇差佬」嘅境界。朋友認為都是警方「溫柔執法」之遺禍，佢話班口罩蒙面客咁懷念英治時期嘅管治，理應恢復行笞刑，一個二個擾亂公共秩序嘅暴徒，公開打藤五十下，包保香港歲月靜好，回復「蛙躍古池內」嘅禪意！
朋友所言，看似一時血湧心頭的氣話，講真，又不無道理！此治亂世用重典而已！葉靈鳳談香港掌故有篇「香港笞刑史話」，說一八四一年英國統治勢力在香港建立後，鞭笞嘅刑罰好快就從印度傳入，當年向中國人所施用的刑罰叫鞭笞「Flogging」，據傳執行的刑吏多是非洲黑人，頭戴紅帽，所用的刑具為徑寸粗的麻纜，浸透煤油，刑場是在船政署前的空地，即今日的上環街市一帶。犯人袒背受刑，雖精壯之夫，忍受三笞也要暈厥於地。
舞着龍獅旗嘅「光復」示威者，咁懷念英治殖民地時嘅香港，如此破壞香港秩序，若真有時光機，未知亦會欣然接受鞭笞之刑耶？