所謂蛇無頭不行，即使係再勇猛嘅戰士，冇個有領導才能嘅將軍統領，打仗分分鐘慘敗收場。巨乳水着妹華彩奈奈自認係一個極具領導能力之人，帶住一班囡囡四圍去，當然唔係去夜總會工作啦，而係上舞台表演歌舞，娛樂廣大觀眾。
呢期好多年資甚長嘅日本水着女優陸續蒲頭推出新作，令人驚喜嘅除咗能夠再見到佢哋之外，仲有佢哋嘅美貌同身材都保持得宜，同往日一樣咁火辣誘人，好似小林惠美以及池田夏希咁，而今日為大家介紹嘅呢位女優，同前兩者一樣經驗豐富，亦同樣保養有道，一副豐滿又具彈性嘅胴體絕對與後生一輩嘅巨乳水着妹不遑多讓，佢就係華彩奈奈喇。佢可以話係另一個罕見嘅童顏巨乳代表，雖然30歲，但係情況就好似多年前以巨乳蘿莉形象橫行水着界嘅星野亞希一樣，擁有一副天真俏麗童顏，相信羨慕死好多女性朋友喇。奈奈仲有一個地方恨死人，就係一副激凸好身材喇。條蛇腰得23吋幼，而上圍就有35G咁勁，更難得係全屬天然，且多年來都咁具彈性，真係好正呀！
華彩奈奈就係憑住呢對G-Cup彈彈波，成功喺2004年投身水着界，更於2005年贏得雜誌《少年Jump》所舉辦嘅「富有彈性MAX比賽」冠軍添。活躍於水着界，以其童顏巨乳取得一眾水着迷支持，仲搵到好多幕前演出機會，例如演出《殺人蜂》等電影及多部電視劇。用永不停步嚟形容佢亦唔過分，當網絡電視興起，奈奈又向呢方向發展，更喺網台節目中展示唱歌天分，唱出由自己填詞嘅歌曲，之不過唱咗咁多首歌，都未有人搵佢出碟，相信奈奈嘅唱功仲有唔少改善空間。多方面發展嘅奈奈近年除咗拍寫真，仲組成以其姓氏命名嘅舞台劇團「華彩組」，帶住一班水着妹四圍登台演出，仲負責埋舞台劇劇本、布置等可謂一腳踢，難得奈奈愈忙愈神采飛揚，唔到你唔服。
華彩奈奈近年帶住華彩組登台，每日都要為舞台演出籌備，而佢不時喺博客透露綵排實況以及當中嘅苦與樂。
網址：http://ameblo.jp/kasai-nana/
年齡：30歲
身高：5呎2吋
三圍：35G-23-35
撰文：賢