響鐘數人唔可以繼續開會
沙田區議會主席何厚祥舉例指，議事規則無寫明響鐘數人時，會議可唔可以繼續進行，唔少區會主席都會喺呢十五分鐘內繼續會議，等區議員同官員可以繼續發言，直至十五分鐘後真係唔夠人先再宣布流會。
為咗唔想有區議員批評區議會唔跟程序，何厚祥話，沙田區議會有意喺議事規則內寫明響鐘數人期間唔可以繼續開會，一定要等夠人先至可以恢復會議。佢透露，唔少官員聽到新建議後雖然無即時反對，但擔心會議時間加長要令自己開多幾次會。不過官員用公帑出人工，開會屬於分內事之一，真係無乜理據投訴或向新的建議說不！