探射燈：經醫生處方 副作用較小
「用嚟醫長期鼻塞嘅係類固醇噴劑，需要醫生處方至買到，市面買到嘅血管收縮素通鼻劑，只可以醫短期鼻塞。」耳鼻喉科專科醫生林建業指出，部分市民對這兩種噴劑缺乏認知，以為類固醇的會有較多副作用，因而錯誤選擇通鼻劑。
含類固醇效果顯著
「由於類固醇噴劑只會留喺鼻黏膜，唔會被吸收入血液，所以相對令血管收縮素通鼻劑，會有較小副作用同埋較安全。同埋類固醇要累積效用，所以一開頭效果唔會太顯著，普遍都要兩至三星期先見效，持續用大約半年就會痊愈。」他指出，因此醫生會建議長期鼻塞患者口服抗組織胺，再配以類固醇噴劑。若情況未見好轉，患者就要接受下鼻甲切除手術，將腫脹的鼻肉切除。此外，患者亦可以自行嘗試用蒸氣及薄荷膏紓緩鼻塞。