政情：有相為證：港台立場 以「遮色」別？

港台《城市論壇》一直被反佔中人士批評立場親泛民主派，但港台尋日就向每位出席論壇嘅嘉賓送上一把藍色雨傘，立法會議員鍾國斌仲興奮到攞住把藍傘影相，莫非港台知道自己平日作風唔夠中立，所以要派藍傘撥亂反正？論壇主持謝志峰否認派藍傘有政治含意，話港台一直有送雨傘畀出席論壇嘅嘉賓，但早前由於存貨用盡，佢哋要搵公司訂造一批新雨傘。佢自爆眾人喺揀顏色時都有諗過造黃傘，但製成品效果無預期咁理想，所以先決定造藍傘配合港台電視部嘅藍色主色喎。