政情：今日你上鏡：邱德根都話搞唔掂亞視

亞洲電視拖欠薪金事件擾攘咗咁耐，日前終於可以「準時」向員工支付二月份薪金，但陷入財政困難嘅亞視似乎依然等緊「白武士」出現打救。我哋尋日喺沙田馬場見到亞視前老闆邱德根，唔知佢會唔會因為對亞視有感情或充滿回憶，而有興趣考慮買番亞視呢？不過，我哋一埋去問佢有關亞視嘅事時，佢就已經即刻耍手擰頭，話唔會買喇，仲直言「搞唔掂」喎！