「過關好有滿足感」收效快
【本報訊】「最近兩個月進步得好快，依家可以舉手高過膊頭，又可緊握拳頭，希望盡快康復，做番簡單工作。」五十四歲的林女士去年初中風，導致右邊身體癱瘓，她出院後獲轉介接受傳統復康治療，但右手仍然軟弱無力，並有偏癱肩痛，令她經常徹夜難眠。
林女士稱，之前接受的日間復康訓練主要是伸展運動，動作較為單調枯燥，「大家去到都係做同一組動作，唔係針對自己病情，覺得唔適合自己。一個治療師又要對廿名病人，好難照顧到每個人需要。」
她之後獲轉到瑪嘉烈醫院的腦神經綜合復康中心，進行了透顱磁刺激法、上肢虛擬現實訓練、注射肉毒桿菌等治療，「訓練時好似打機，過關後好有滿足感！」她訓練約半年後，右手已可舉高過肩膊位置，並可用力握拳。
冀重投社會工作
瑪嘉烈醫院內科及老人科部門主管羅振邦稱，林女士中風後出現偏癱肩痛，右手功能最初算是「負分」，估計現時已恢復到六成功能。林女士盼望治療順利，未來一年可以重投社會工作。