政情：「補飛」抵德 卿姐自己找數
立法會考察團一行九人前晚出發到德國，旨在建立和加強與德國立法機關的聯繫，身為團長嘅民主黨劉慧卿抵達香港國際機場時，才發現手持嘅特區護照過期，隨即趕回家中取回有效護照，惟最終趕不及原定飛慕尼黑嘅航班，要改搭遲一個鐘頭後飛往法蘭克福嘅航班，再轉飛柏林與大隊會合，認真老貓燒鬚。劉慧卿透露，兩張機票合共涉及七萬元，強調自己會「找數」。
遲半粒鐘會合大隊
據知劉慧卿雖然未能趕上原定航班，要改為飛往法蘭克福，再到柏林與大隊會合，不過卿姐最終較考察團大隊，即另外八名立法會議員遲半小時抵達柏林，隨即會合大隊開始訪問行程。
據稱有人起初以為今次考察團由立法會資助，質疑劉慧卿濫用納稅人公帑，不過其後知悉考察團由德國政府資助後，轉為質疑劉慧卿浪費德國公帑，劉慧卿重申，毋須兩地納稅人為此「埋單」，自己會承擔相關額外開支。