牛頭角：花萎懶理礙觀瞻 港鐵捱轟
「隔籬啲花草明明生得好哋哋，點解轉個頭呢邊啲植物就枯晒咁肉酸？」高小姐近日於港鐵牛頭角站旁的巴士站候車，期間發現站旁花圃有植物枯萎，不滿港鐵疏於保養，有損街道觀瞻。
少見陽光 生長未如理想
港鐵發言人表示，牛頭角站A出口外的花圃為車站範圍，由承辦商負責日常管理及定期保養。發言人說，早前曾派員視察，估計涉事範圍處於有蓋位置，較少機會觸及陽光，令花圃內部分植物的生長情況未如理想，已要求承辦商跟進並持續留意花圃狀況，研究可行改善方案。
不過，高小姐坦言對上述回覆並不滿意，「每次投訴完先識得去改善，加上成日壞車又頻頻加價，唔怪得港鐵形象愈嚟愈差！」高小姐建議港鐵從速改善後知後覺的處事作風，挽回市民信心。