鵝頸橋底變生果店貨倉

「成日都當正條行人路係自己貨倉咁，一箱二箱生果放晒喺度，真係離晒譜！」李先生不時行經灣仔堅拿道西，發現附近商戶不時在鵝頸橋底擺放貨物，有損市容之餘，亦影響環境衞生，不滿情況持續多時仍未見執法，「日日咁擺，又唔使畀人罰，淨係租都唔知慳番幾多！」

食環署發言人證實，於過去一年曾接獲有關投訴，接獲轉介後亦有派人巡查，發現涉事路段被放置貨物，已警告物主移走，及切勿非法佔用行人路，覆查時則發現有關物品已告移走。發言人同時承諾，日後會繼續留意有關情況，並採取適當行動。

不過，李先生發現近日情況仍無改善，要求食環署履行承諾，多加巡查以解決問題，「呢件事雖然講唔上咩大事，但係同食物、環境同衞生都叫有關，佢哋好有責任睇實啲！」