廉政公署查前特首曾蔭權爵士貪腐案件，至今已逾三年，而「貪湯」湯顯明案亦查了二十一個月。
「絕代雙貪」案至今仍然未見有定論，唔好話市民等到口乾舌燥眼睛紅——上了大火！連前刑事檢控專員江樂士都話「難以置信」。
江樂士指出，有關貪曾案，愈拖愈邪惡，除了削弱證據質素，還破壞公眾對法制有效彰顯公義嘅信心。
廉署此種「延誤文化」不利法治，更使行之有效嘅「廉潔奉公」蒙污。江樂士促請新任審查貪污舉報諮詢委員會主席譚惠珠根除此種陋習，老朽有同感焉。
貪曾一二年初被本報獨家踢爆「貪遍省港澳，歎盡海陸空」，連串醜聞，圖文並茂，果然係「姹紫嫣紅開遍」，貪到春色悅目滿人間。貪曾案無疑複雜縱橫，之不過，廉署應向毛澤東取經，老毛反對「多端寡要」。
乜叫「多端寡要」？毛澤東認為端可以多，但要抓住要點。抓不住要害問題，決策起來，頭緒多端，力求面面俱到，甚麼都要講、要做，結果卻甚麼都講不透、做不細，辦起事來難免在枝枝節節的問題上疲於奔命，而影響全局嘅實質問題卻得不到解決。
老朽雖愚騃，查貪曾斷不會去計較佢貪了幾多茅台紅酒、葵花雞、增城菜心，按圖索驥，睇吓本報獨家兩幅照片：其一是當年被批評不顧特首身份，出席澳門賭場嘅春茗活動；其二是一一年四月，貪曾到澳門視察捲入歐文龍巨貪案嘅「御海‧南灣」地盤。民間智慧：狗上瓦坑有條路，廉署有關人員咁都唔識？「多端寡要」——要言之，是指那些必須解決的緊迫而又重大的問題，如不解決，就會使全局陷入被動，造成困境甚至危機。貪曾案再拖下去，香港只會繼續陷困境、沉淪而冇運行也。