政情：有相為證：麥齊光夜訪快活谷

被喻為「最短命」問責局長嘅發展局前局長麥齊光，前年涉詐騙政府租金津貼被裁定罪成後，一直深居簡出。早幾日快活谷舉行羊年第一場夜馬賽事，新正頭喜氣洋洋，麥齊光都興致勃勃同一班朋友入場玩。佢笑容滿面、精神奕奕，任影唔嬲，但係問佢近況如何，佢就好客氣話唔講喇！雖然佢惜字如金，但見佢咁春風得意，睇嚟已經走出因為做局長而差啲惹牢獄之災嘅陰霾。