慈善基金：母女擺脫家暴 覓屋過新生
為擺脫家暴陰霾，阿珊（化名）帶着女兒出走，母兼父職養育女兒，但礙於經濟而寄居親友家中。阿珊擔心女兒長期寄人籬下影響成長，急需逾一萬元搬遷費才能另覓居所，任職兼職侍應的阿珊因籌措無方而大感徬徨。東方日報慈善基金了解情況後，隨即撥款一萬五千元，協助兩母女踏出新生活的第一步。
阿珊與丈夫育有一名四歲女兒，一家三口生活雖不富裕，卻過得樂也融融。可惜好景不常，丈夫的脾氣不斷轉差，更不時對她拳打腳踢，阿珊忍受不了決心離婚，與女兒相依為命，但因經濟能力有限，只能過着寄人籬下的生活。「朋友屋企住過、親戚屋企住過，四周圍都住下，呢啲生活都過咗年幾喇！」一直寄居親友家中的阿珊母兼父職，趁女兒上學期間在餐廳兼職工作，每月賺取五千元微薄薪金以維持生計。
長期寄居親友家中雖可省卻房租，可惜卻「相見好，同住難」，近月親友終下逐客令，要求阿珊早日遷出，令母女二人即時陷困。「要湊女冇辦法返到長工，每個月賺得幾千蚊儲唔到錢，自己有手有腳又唔想靠綜援，但依家屋租又貴，仲要攞成萬蚊出嚟先搵到屋住，唔通要個女咁細個就同我一齊瞓街？」阿珊月來四出尋覓廉價劏房，儘管房租低廉，卻因無法支付上期及按金而無法租住。阿珊大感徬徨無助之際，獲社工轉介向東方日報慈善基金求助，經基金了解，獲撥款一萬五千元以支付租金及按金，讓阿珊與女兒擁有屬於自己的家。
弱視女急籌藥費醫眼
阿珊指女兒近日證實左眼患弱視，亦備受濕疹困擾，令阿珊壓力倍增，「醫生話弱視如果唔喺細細嗰陣醫，阿女啲視力就成世都咁差，一定要配個特製眼鏡，濕疹睇醫生又好貴，都唔知點算！」阿珊指女兒現需定期更換眼鏡以控制視力，只能節衣縮食以應付日後支出，亦寄望能獲善長施援。
捐款編號：12643
記者：黃芷君
攝影：林永發