耀東邨高空擲物肆虐 房署三年未解決

「簡直當咗出面係垃圾桶，咩垃圾都丟晒落嚟！最多就係煙頭，搞到一大陣味，有時仲飛埋入屋，成日都好驚會燒着屋企啲嘢！」胡先生居於耀東邨耀福樓低層單位，自三年前起即發現有上層住戶不時高空擲物，令單位對出平台滿布垃圾，包括煙蒂、電池、食物渣滓等，嚴重影響居住環境衞生。胡指眾多垃圾中，以煙蒂問題最為困擾，每有煙蒂擲下，即有煙味飄進屋內，更曾有煙蒂被丟進家中露台，不但影響家居清潔，亦擔心未熄滅煙蒂會引發火警。

搵人掃垃圾 治標唔治本

鑑於高空擲物問題持續，胡先生於過去三年間曾多次向房署投訴，可惜問題依舊，「話過會整天眼，但完全冇咗件事！淨係識得搵人嚟掃垃圾，根本就係治標唔治本！」胡指房署定期派員清理涉事平台，顯示已知悉涉事樓宇有高空擲物情況，不滿多年來僅張貼告示及作清理，未曾積極查出源頭以杜絕問題，令到低層住戶長年受罪。

記者曾實地了解情況，發現涉事平台有大量垃圾，包括煙蒂、報紙及食物包裝紙，當中更有疑似狗隻排泄物。

胡先生指單位對出平台時有垃圾積聚，包括煙蒂、衞生紙、報紙、食物渣滓等。	房署雖於邨內掛上橫額，警告居民如高空擲物會被扣分，惟高空擲物仍持續發生。	耀東邨有住戶投訴經常有煙蒂雜物從高處擲下。

「特別任務隊」偵查冇發現

房屋署發言人指出，接獲轉介後已派員到涉事平台視察，發現有小量報紙、膠袋等物品，已安排清潔工人立即清理。發言人又稱，由於未能物色合適位置安裝錄影監察系統，故已加派「偵查屋邨高空擲物特別任務隊」不定時在涉事地點以錄影方式監察，惟未有發現高空擲物情況。

「話揾唔到位安裝閉路電視好明顯係託詞，而且仲應該裝多幾部，查清源頭，因為呢個問題係影響緊居民嘅家居環境衞生，唔可以等到問題惡化先做！」立法會房屋事務委員會委員王國興直指房署未能物色合適位置僅為託詞藉口，認為該署必須盡快安裝固定錄影裝置，以便從源頭根治問題。王又指房署實行屋邨管理扣分制多年，但上述事件卻持續發生三年，反映房署並未有嚴格執行扣分制，要求加強執法，以還居民一個安樂窩。

記者：黃凱翎