政情：今日你上鏡：恭喜劉展灝添孫

新正頭遇上添丁之喜，認真係雙喜臨門。香港工業總會主席劉展灝尋日就開心到飛起，事關佢升呢做爺爺，大仔劉燊濤（Gary）幫劉家添咗名新成員，BB仔喺中午十二點半出世，重六磅三安士，母子平安。Gary急不及待喺社交網站公布好消息，仲上載同太太Daphne及BB仔嘅溫馨合照。Gary話，佢全程陪伴太太生產，見太太痛到不得了，只能不停幫佢抹汗及撥涼。佢「呷醋」話，BB仔有一對精靈大眼，盡得太太遺傳，好唔抵得靚仔過佢喎！