政情：公民講場：喊幫佔領苦主 阿毛假慈悲

泛民主派去年發動佔領行動，除咗令市民生活大受影響外，亦影響平日靠條路搵食嘅公共交通工具從業員。公民黨立法會議員毛孟靜（阿毛）尋日喺立法會財政預算案簡報會上質疑，財政司司長曾俊華喺預算案中提出豁免飲食業、運輸業半年牌照費用，以協助受佔領行動影響嘅行業，係有政治目的，又質疑點解唔諗計幫助喺佔領行動期間流失三百九十萬乘客嘅電車公司。佔領行動明明係由泛民發起及參與，但阿毛竟然反叫政府諗方法幫助受行動影響嘅電車公司，唔怪得佢被批評貓哭老鼠「假慈悲」同「賊喊捉賊」嘞！