大埔有錢冇人執

大埔廣場行人路遍地「廿蚊紙」，無人敢執。（互聯網圖片）

現場是大埔廣場一間茶餐廳門外，傍晚六時許，有途人赫見地上有十多張二十元紙幣，無人將其執起，有人站在一旁觀看，更你眼望我眼，始終無人斗膽執錢，一名姓林（卅三歲）男途人報警求助。警員到場調查時，一直無物主出現，遂將紙幣檢走，列為財物發現案處理。

路人手機拍攝 極速上載

事發時，有途人用手機拍攝遍地鈔票情況，迅速上載互聯網，並笑問：「執咗會唔會拉？」有網民又稱：「依家啲人有錢都唔敢執啦」、「一陣畀人影晒相就麻煩」，有人又指可能是電視台的「整蠱人節目」。途經附近旳姓劉女文員稱：「明知犯法梗係唔會執啦！」任職售貨員的Cristal則說：「20蚊咁少我唔會理，直行直過啦，但如果係100蚊以上就會報警！」

（互聯網圖片）	售貨員Cristal（右）：「二十蚊咁少我唔會理，直行直過啦，但如果係一百蚊以上就會報警！」	文員劉小姐：「明知犯法梗係唔會執啦，上次解款車跌錢事件咁多人執錢畀人拉！」

令市民引以為鑑的執錢案，發生在去年平安夜下午，香港安全押運服務有限公司（G4S）解款車在告士打道跌出三個共載三千萬元的膠箱，其中兩個爆開散出「金牛」紙幣，引來市民執錢，其中一千五百多萬元失蹤，其後有四十六人將七百多萬元交還警方。有八名涉嫌執錢不還的市民被捕，兩人被控盜竊罪成，一人被判入獄五個月，另一人被判緩刑十八個月及賠償六千元。