肉毒桿菌面膜 網售無監管

何小姐早前於拍賣網站發現有聲稱能瘦面、通淋巴及祛水腫的「肉毒桿菌面膜」出售，遂抱着一試心態購買，未料接獲產品時，發現不但包裝簡陋，標籤更錯字連連兼文法不通，「本身見平咪買嚟試吓，點知個包裝寫得四個成分，查字典都搵唔到係乜，個使用方法仲離譜，連『Apply』（應用）都寫咗做『Apple』（蘋果）！」何認為當局有必要加強監管美容產品，保障消費者安全，「消費者係有責任睇清楚，但外國好多地方都有法例監管化妝護膚品，點解香港仲咁落後？」

需注射入真皮才能去皺

記者將「肉毒桿菌面膜」交予香港專業教育學院應用科學系講師周卓峰檢視，周直指產品成分標籤錯漏百出，「其中一個字（Coenzyme）解酵素，但冇講係邊個種類，所以冇意思；另一個字（Elatin）可能係指蛋白質，但又串錯咗！」周又稱，肉毒桿菌一般需注射到真皮，才能麻痹神經以達去皺之效，用量亦因人而異，須由醫生判斷才可確定用量及次數，「呢樽產品冇寫到劑量，其實好危險，因為如果高劑量，就有可能瘦面唔成，反而搞到神經麻痹！」周指歐盟早已有完善美容產品標籤管制，批評香港未有與時並進。

面膜標籤簡陋，而且文法、錯字（紅圈示）繁多，使用者只能「靠估」。	有女士受「瘦面」、「祛水腫」字眼吸引而購買肉毒桿菌面膜，但專家警告胡亂使用後果嚴重。	周卓峰指肉毒桿菌一般需注射到真皮才能去皺。

衞署：面膜不屬藥劑製品

根據衞生署資料顯示，肉毒桿菌素屬藥劑製品，必須經香港藥劑業及毒藥管理局註冊後才可於市面售賣。不過，記者向衞生署查詢時，發言人僅稱面膜不屬藥劑製品，未有言明網上平台賣家發售有關產品有否違規。

海關發言人說，本港雖無特定法例監管化妝護膚品，但所有產品均受《消費品安全條例》監管，確保市面產品符合合理安全標準。

「究竟點樣為美容產品訂出一個定義，政府當然係需要花心機研究，否則會有好多灰色地帶。加上依家網上購物可能涉及跨國活動，法例好難全面監管同執法，所以喺教育消費者方面都要花多啲工夫！」立法會衞生事務委員會委員葛珮帆認為，當局有必要研究落實美容產品標籤管制及監管，以進一步保障消費者。

記者：蘇敏婷