財政司司長曾俊華（鬍鬚曾）尋日發表財政預算案時，引用咗啲內地或特別用語，其中「一帶一路」及「隨付隨支」，大家又知唔知點解呢？所謂「一帶一路」係指新絲綢之路經濟帶及廿一世紀海上絲綢之路，係一年前內地制定嘅經濟政策，希望好似古代絲綢之路咁，透過「一帶一路」同周邊國家有商貿合作。至於「隨付隨支」（pay as you go）係外國一種退休保障制度模式，以在職人士交稅支付上一代退休長者嘅福利開支。
