政情：今日你上鏡：連納智醫院陪病妻度歲

早前宣布提早一年離任嘅西九文化區管理局行政總裁連納智（Michael Lynch）將於八月執拾細軟，返澳洲老鄉照顧病妻，同時打理一吓自己健康。有人質疑佢會唔會好似其上手、前行政總裁謝卓飛咁，劈炮後隨即過檔。不過，大家似乎真係諗多咗。連納智尋晚出席西九戲曲中心新春酒會時就透露，早幾日佢入咗醫院陪病重嘅太太度新歲。雖然連納智唔想多談太太嘅病情，但佢來港工作幾年，以廣東話拜年當然有兩手，佢以半鹹淡廣東話祝大家「恭喜發財」咁話！