【本報訊】細價樓樓價屢創「癲峰」，地產代理認為是用家爭相入市，推高樓價所致，當局擬收緊細價樓按揭條件，的確可以令儲不夠首期的用家卻步，卻可能加劇社會矛盾。有學者亦認為，勿對收緊按揭條件的成效太樂觀。
中原地產研究部高級聯席董事黃良昇說：「收緊細價樓按揭，係會令本來買到樓的人更加買不起樓，的確可以減少人買樓，但有富爸爸的人不用靠按揭，繼續買到樓，此舉只會令有意置業人士不滿政府，社會更矛盾！」他認為是用家令細價樓升，「不要以為樓價升就是炒家炒起，居屋都有十幾萬人申請，全部都係用家。」
黃良昇預期今年細價樓有隱憂，由於全球經濟欠佳，即使年中，美國也難以加息，令樓市呆滯。他認為政府收緊細價樓按揭條件只是做樣，「做畀市民睇、做畀阿爺睇。」
理工大學建築及房地產學系教授許智文則稱：「收緊按揭條件，有機會令細價樓回落少少，但不要太樂觀；豪宅按揭成數早已收緊至五成，但樓價回落幅度也不大。」
許智文又說，要儲首期已不容易，再收緊細價樓按揭，上車難上加難。對於細價樓多次加按致爆煲的說法，許認為欠實質數據支持，論點不清晰，「過去幾年樓價升好多，業主因應升幅而加按，或者每次都借十萬、八萬，貸款額無超過樓價升幅，便無問題；爆煲與否在於借多過七成，當樓價下跌時，變成負資產，但現時數據看不出來。」