立法會一連三日進行施政報告致謝動議辯論，三日來響鐘黨只要求點算一次人數，即使會議廳得番小貓三四隻，都無人要求響鐘數人，情況好古怪。聽聞包括陳偉業在內嘅響鐘黨之所以「收斂」，係因為財務委員會主席張宇人前日諗咗一條妙計，揚言若響鐘點人搞到流會，佢就會即刻運用主席權力召開財委會，提早審議成立創新及科技局嘅撥款申請。響鐘黨擔心加開會議會令佢哋拉布阻撓開局功虧一簣，梗係唔敢要求響鐘啦！
