金融服務界立法會議員張華峰本月初出席工務小組委員會特別會議，解釋點解遲咗申請加入小組，點知就被一眾泛民主派議員「蹂躪」。雖然張華峰已經解釋遲咗申請係因為同助理喺溝通上出問題，表明申請加入小組都係想學嘢，但就被班泛民質疑佢卸責畀助理，又話佢想學嘢可以列席，搞到佢好不滿，仲掉低句「唔再畀你哋喺度審！」就拂袖而去。
不過，因為工務小組最後都批准佢加入，所以佢前日就去信小組，話經過各委員「溫柔燙貼的詰問後」，感謝大家畀佢加入喎，聽落有「骨」落地。如果泛民真係咁「溫柔燙貼」，佢就唔使嬲到走人啦！
