綠色先鋒：屋邨成績彪炳 日收近卅個
共享計劃自上月中推出以來，成績不俗，回收超過四百個環保袋，當中以屋邨的回收量及使用率最理想。
「我哋收到唔少機構捐嘅環保袋，係因為搞活動印咗環保袋，又用唔晒，最後outdate（過期）咗冇用。」鄧展翔指，活動未正式展開，已收到不少有心人的捐贈，為計劃打了一支強心針，「活動開始咗之後，放喺屋邨嘅共享站每日都收到二十至三十個環保袋，擺喺商場嘅共享站啲袋都清得好快。」
研作長久措施
鄧認為，屋邨的家庭主婦普遍有自備環保袋的習慣，反而大學生相對環保意識較弱，「可能家庭主婦成日都要去買嘢，佢哋會做好準備帶環保袋，大學生少買嘢，唔會成日帶住環保袋。」
問及先導計劃會否成為長久措施，鄧指，計劃結束後會參考收集數字，研究配套再決定長期擺放共享站的可行性。
