天台僭建多年未清拆
屋宇署取締僭建物不力，市民居不安寧。陳小姐發現觀塘瑞和街有舊樓天台僭建，疑被闢作居所，多年來一直未見清拆，「明明係僭建，已經喺度好多年，究竟屋宇署做過啲乜嘢？」
「唔係畀咗清拆令就算」
屋宇署發言人證實，上址大廈已被揀選為大規模清拆僭建物行動目標樓宇之一，已根據顧問公司的調查報告，按《建築物條例》規定向該大廈所有須予以取締的僭建物，包括上述天台僭建物的業主一併發出清拆令，着令拆除僭建物。
「唔係畀咗清拆令就算，之後都要覆核睇下業主有冇拆咗啲僭建物，確定啲業主拆咗先有用！」陳小姐要求屋宇署正視本港僭建問題的嚴重性，發出清拆令後應加強跟進，確保業主早日執行相關命令，解除僭建帶來的危機。