有政團、社福機構每隔一段時間，就會喺特定時間同地點向有需要長者派米，如果唔使日灑雨淋就可以拎到幾包米返屋企，相信更受長者歡迎，好似尋日一個長者活動，中華總商會會長楊釗即場宣布，今年係中總成立一百一十五周年，決定喺新春佳節全港派米，而且出手非常闊綽，總共會派發十一萬五千包香米。在場唔少長者聽到後笑容滿面，不停話「好呀！有米食呀」，唔知楊釗眼見台下反應咁好，明年會否再加碼呢？
