本港樓價長期高企，市民「一屋難求」，現屆政府多次出招增加短中長期土地供應，但首關要得到地區人士「開綠燈」，發展局局長陳茂波（波叔）尋日於局長隨筆撰文，話覓地過程遇到唔少地區阻力及司法覆核等方式阻撓，所得土地供應「粒粒皆辛苦」，希望反對者以急切等候「上樓」、「上車」嘅市民為念，「畀條路大家行」。波叔為增加土地供應已經講到口水都乾，今次仲形象化地比喻為「粒粒皆辛苦」，如果咁都得唔到地區人士共鳴，波叔下次再要推銷同樣理念時，就要諗吓有乜新橋至得嘞！
