立法會財務委員會尋日繼續審議成立創新及科技局嘅撥款申請，保險界議員陳健波喺發言時批評泛民主派成日鬧建制派係舉手機器，但其實泛民先至係舉手反對機器，又話唔少市民「媽」到「拉布」議員飛起，唔明點解泛民議員「自殺」得咁過癮喎。白鴿黨黃碧雲聽到後即時投訴有關言論有冒犯同歧視女性之嫌，要求陳健波收回言論，又要求主席張宇人聽錄音裁決，張宇人最後裁定陳健波嘅用詞無粗口或冒犯成分。之後社民連「長毛」梁國雄亦都話，「媽媽聲」三個字冇問題喎。
