政情：中環出更：肥佬黎 李漢奸密會兩粒半鐘

為期兩個月嘅政改第二輪諮詢，喺泛民聲言企硬反對、中央及特區政府強硬態度下，好多市民都預咗方案會遭到否決，導致社會氣氛異常淡靜。就連身為佔中「幕後黑手」兼泛民「最大金主」嘅壹傳媒集團前主席黎智英（肥佬黎），亦連續多日留喺屋企冇出過街，連周日民陣遊行都冇去。正當大家以為佢已經修心養性，閉關靜思己過時，我哋尋日又影到外號「李漢奸」嘅民主黨創黨主席李柱銘，現身肥佬黎位於何文田嘅大宅，而且一嚟就逗留咗接近兩個半鐘。呢兩位「搞事四人幫」成員，莫非又想密謀攪局反中亂港？