泛民政客平日愛踞議事堂道德高地，指三道四，對政府施政樣樣睇唔過眼，又「議」不出個甚麼道理，就拿「梁振英」三個字作擋箭牌，理曲詞壯說拉布不是反對呢個政策嗰個動議，只是反對梁振英，不想佢在任時讓其政策通過喎！阿哥，呢份近十萬嘅筍工，就係廢話連篇、拉布阻議程、自肥失職下個個月袋住使，都咪話唔過癮！
與其說不想讓政策在梁振英任內獲通過才死命拉布，倒不如自己辭職唔撈，等佢任滿後才出山咁先至有志氣，此亦古人所說的「天下有道則見，無道則隱」。然而，泛民政客卻是尸位素餐，霸住茅坑不拉矢；更甚者，如ＡＶ仁在議事堂睇水着艷女、不時掟嘢、失驚無神手持黃傘離席抗議……如此民意代表，又如何肩負監察政府職責？
當然，還有更醜的便是公器私用，「政客收錢護淫媒」，呢，被指收咗五十萬元政治黑金嘅毛孟靜，煞有介事喺立法會提出休會辯論，硬將淫賤黎住所及將軍澳壹淫媒總部早前畀人投燃燒彈事件，同「新聞自由」扯上關係。
毛姑姑冇理由唔知淫賤黎一身都是孽，早前於「佔鐘」期間畀人掟屎尿豬雜，唔通又與「新聞自由」有關？「因為懂得，所以慈悲」，呢句係張愛玲初戀時，給胡蘭成信中嘅一句話，少女心事，說她用不着十分懂得對方，所以有傾城之戀；家陣毛姑姑已過「少女心事」階段，尋且已升呢毛婆婆，即使「因為收錢，所以做嘢」，俗語話齋：「拿人錢財，替人消災」，也沒有甚麼值得大驚小怪！
問題係將「人妖顛倒是非淆」嘅劣行強扯上「新聞自由」去護金主，便十分之難睇、肉酸、醜怪矣！「一從大地起風雷，便有精生白骨堆」；引喻失義，露出妖相。做得代議士，不愛惜羽毛，那就只好企定定，接受「金猴奮起千鈞棒」，不教白骨聚成堆的棒打！