內地嘅車模同埋寫真模特兒，我哋都介紹過唔少，今日就介紹一個大家比較少認識嘅模特兒界別，就係購物台嘅模特兒，呢位嚟自安徽合肥嘅史雨姐姐，就係某大購物台嘅當紅模特兒，喺佢手上賣出嘅商品真係不計其數！
今年20歲嘅史雨，出道都有三年多，但佢嘅藝名並唔係史雨，而係史雨姐姐，問佢點解要加姐姐落去，而唔用妹妹？佢話自己外形成熟，所以叫姐姐適合啲喎！史雨出道初期係做網拍模特兒，拍一啲美少女寫真，後嚟就做購物網站嘅模特兒，但外形真係唔似少女，所以要另謀發展，期間誤打誤撞成為老家當紅嘅婚紗模特兒，十間婚紗舖，七間都有佢嘅照片掛喺門口，所以喺當地都算係薄有名聲，後嚟仲做埋購物台嘅模特兒，即係主持人猛講產品有幾咁好時，史雨就攞住個產品喺鏡頭前擺嚟擺去，咪以為好容易，十零秒就要換動作，又要產品出鏡，又要自己曝光，仲要動作有美感兼唔重複，真係少啲天分都做唔到，但史雨就話對自己完全冇難度！
史雨身高有174cm，身體纖瘦，手長腳長，除咗適合做模特兒外，原來仲好適合跳舞，出道冇耐就考入當地電視台嘅舞蹈組，成為一名舞蹈藝員，所有音樂節目都會見到佢嘅身影，但後嚟由於模特兒工作太忙，所以慢慢淡出舞蹈圈，但要佢跳舞演出，佢話隨時都冇問題！而喺2014年史雨仲一口氣參加咗兩個比賽，一個係中國車模電視大賽，另一個係安徽國際胸模大賽，兩個比賽史雨都獲得不錯嘅成績，令佢人氣大增。就喺比賽結束後，史雨下了一個很大嘅決定，就係拍攝性感寫真，第一次下海性感度有限，但叫好叫座，於是愈拍愈大膽，最近一輯史雨更全裸演出，性感程度令人鼻血長流，粉絲嘅反應梗係個個叫好。希望2015年史雨姐姐繼續努力，再有突破報答大家！
出生地：安徽合肥
三圍：34-24-34
身高：174cm
簡介：想睇晒史雨姐姐出道以來嘅照片，佢嘅官方微博就收錄得最詳盡，而且遠至初出道時嘅都有，仲有不少性感照係坊間冇嘅，值得捧場！
網址：www.weibo.com/u/2612090523
撰文：龍四海