政情：公民講場：平叔重炮 打雙貪

美國傳統基金會日前發表「全球經濟自由度」報告指出，雖然香港係全球最自由經濟體，但係廉潔程度方面嘅評分就連續第二年下跌，仲要跌至十六年來新低。退休後喜歡不平則鳴嘅前高官王永平就話，廉潔度評分下跌好明顯係同前政務司司長許仕仁嘅世紀貪污案、以及「貪曾」前特首曾蔭權爵士及其愛將「貪湯」前廉政專員湯顯明接連被揭發貪腐醜聞有關，警告政府唔好愛理不理，盡快交代貪曾同貪湯嘅貪腐案；估唔到平叔打貪絕不手軟喎。