平台僭建多年 屋署遲未執法
「政府啲電視廣告都話鋁窗要定時定候檢查，合法建築都會有危險，何況係僭建出嚟嘅鐵皮屋？」李先生每日皆會行經北角電氣道，發現有僭建鐵皮屋安裝多個鋁窗，經歷多年仍未清拆，擔心日久失修將釀成意外，「早排都試過有窗跌落街，都唔係未出過事，但屋宇署做嘢就永遠都係慢手慢腳，擺明就搵市民條命較飛！」
屋宇署發言人證實，涉事僭建物早已紀錄在案，已按《建築物條例》規定向有關業主發出清拆令，並承諾會繼續跟進。
被嘲無牙老虎
李先生直指現時屋宇署執法效率緩慢，不滿當局未能保障樓宇結構安全，令市民生命備受威脅，「我可以好大膽咁估計，去到出年嗰間鐵皮屋都仲會喺度！屋宇署依家連少少牙力都冇，畀我係業主都會當張清拆令冇到！」