站牌棄置路旁 運署唔踢唔郁
「個站牌生晒銹，仲彎晒出馬路，應該係個站頭唔再用之後，有人亂咁放喺防撞欄出面，如果跌出馬路、又咁啱有車駛過就大件事！」鄭先生早前途經馬鐵沙田圍站，發現有車站站牌放於防撞欄外，且向馬路傾斜，擔心一旦跌出行車路或觸碰到行經車輛將導致意外。
已促營辦商移走
另外，鄭指該站牌已生銹，更有多處污迹，認為有礙觀瞻，要求當局盡快要營辦商跟進。
運輸署發言人證實，上址的居民巴士服務上落點已停用，接獲轉介後已通知有關營辦商處理，營辦商已即時將站牌移走。
鄭先生證實有關站牌現已被移走，但批評運輸署未有妥善監管營辦商，罔顧道路使用者的安全，「個牌殘舊成咁，好明顯已經擺咗好耐，運輸署下下要收到市民投訴先做嘢，咁做嘢法真係唔要得！」